Muling pinarangalan ng natatanging pagkilala ang APEC Homes at affiliates company nito sa idinaos na Stakeholders’ Accomplishment Report(StAR) ng Pag-IBIG Fund.
Sa ginanap na okasyon noong Agosto 27, 2019 sa Makati City, iginawad sa APEC Homes ang ikalawang pinakamataas na parangal sa mga best-performing developers sa Kalakhang Maynila (NCR) para sa unang anim na buwan ng 2019.
Ang naturang programa ay dinaluhan din ng mga top-performing employers sa NCR.
Binigyang papuri naman ni Mr. Acmad Rizaldy P. Moti, Chief Executive Officer ng Pag-IBIG Fund, ang kontribusyon ng mga developers sa NCR para makuha ang all-time high na P37.07 billion housing loans na syang makakatulong sa 41,797 members miyembro nito na magkaroon ng sariling tahanan.
“The Pag-IBIG StAR allows us to recognize the efforts of our stakeholders and also gives us the opportunity to update them of what we have accomplished during the first half of this year,” ayon pa kay Moti.